220               TESTAMENTS ENREGISTRÉS AU PARLEMENT DE PARIS            (460)
Item, volt et ordonna que une chasuble de drap de soye vermeille avecques un aube, un amit, estole, manipule, un calice et corporaulx, soient mises en un coffre en la dicte eglise des Sains Innocens, au. plus pres de l'autel où les dictes messes seront célébrées, lesquelz aourne-rnens elle volt estre et appartenir à la dicte chappelle.
Item, elle laissa à Jehannete de Breban, fille de maistre Jehan de Breban et Agnès sa femme, niepce d'icelle testateresse, un seurcot long, un seurcot ouvert et une robe à saindre, avecques les pennes d'iceulx seurcotz, lesquelz seurcotz et robe sont d'escarlate vermeille.
Item, elle laissa à Coleté de Chaumontel, qui l'a longuement servie, et aux enfans d'icelle Coleté, nez et procréez de son corps et en ma­riage, cent solz Parisis de rente, que elle a droit de prendre et parce-voir chascun an sur certains prez assis à Nuilly sur Marne, et toutes les terres que elle avoit et a à Roissy emprès Gonnesse ; et ou cas que la dicte Coleté yroit de vie à trespassement sans hoir de son corps, la dicte testaterresse, volt que la dicte rente et terres retournent à ses heritiers.
I Ièm, elle laissa à sa cousine, la femme Estienne de Dampmaz, son mantel fourré de gris.
Item, à son ainsnée fille les deux meilleurs houppelandes qu'elle aura au jour de son trespassement.
Item, la dicte testaterresse afferma que, comme à lui competoient et appartenoient certaines maison, terres arables, vignes et autres heri­tages, situez et assis en la ville de Charenton et ou terrouer d'environ, qui estoient de son propre heritage, lesquelz eussent et aient esté ven­duz etadenerez de son consentement, par tele condicion et maniere, ou au moins en tele entencion que les deniers qui en ystroient feus­sent mis et emploiez en autres heritages qui sortissent et feussent d'au-tele nature, comme estoient les diz heritages, c'est assavoir, de son propre heritage, desquelz deniers, depuis ce, a esté achetée une mai­son assise à Paris en la rue du Temple, tenant d'une part à Jehan Blan­chart, et d'autre part à une maison qui est et appartient au seigneur de l'ostel du Cerf. demourant en la dicte rue,laquele maison elle laissa